ԽՈԶՆ ՈՒ ԱԳՌԱՎԸ
Մի դարավոր կաղնու տակ
Խոզը ագահ ու անհագ,
Այնքան կաղին զխտվեց,
Որ ցած ընկավ ու փռվեց:
Զարթնեց քնից ու տակից
Ծառը փորեց արմատից:
— Ի՞նչ ես անում, այ անգետ, —
— Ագռավն ասաց վերևից: —
Խա՞ղ ես անում ծառի հետ,
Կչորանա արևից:
— Չորանում է` չորանա,
— Ինձ ի՞նչ օգուտ` զորանա,
Միայն կաղին ունենամ,
Ուտեմ, պառկեմ, գիրանամ:
— Այ ապերախտ կենդանի,
Ով քեզ նման վիզ ունի`
Իր կույր աչքով չի տեսնի,
Որ կաղինը հյութալի
Լոկ այս ծառն է ձեզ տալի, —
Ագռավն ասավ խոզուկին,
Էն կախ գլուխ կուզիկին:
Հարցեր և առաջադրանքներ
- Ի՞նչ էր սովորեցնում առակը։
Առակը սովորեցնում է, որ չի կարելի ծառերը պոկել և չի կարելի անշնորհակալ լինել:
2.Նկարագրի՛ր խոզին։
Ապերախտ, անշնորհակալ:
3.Նկարագրի՛ր ագռավին։
Ագռավը խելացի էր:
5.Կանաչ գույնով նշի՛ր առարկա ցույց տվող բառերը։
Կաղին,ծառ, վիզ, ագռավ, խոզ:
4. Դուրս գրի՛ր անծանոթ բառերը և բացատրի՛ր բառարանի օգնությամբ։
Ապերախտ-Երախտիքը մոռացող, երախտամոռ:
6.Կարդա՛ առակը և նկարիր քեզ դուր եկած հատվածը։
7.Տեքստից դուրս գրի՛ր խոզին նկարագրող հատվածը։
Խոզը ագահ ու անհագ,
Այնքան կաղին զխտվեց,
Որ ցած ընկավ ու փռվեց:
8.Կարմիր գույնով նշի՛ր հատկանիշ ցույց տվող բառերը:
Ագահ ու անհագ, անգետ, ապերախտ , կույր, հյութալի: